Info
Joined: 27 Jan 2003 Posts: 2113 Location: Hong Kong
|
Posted: Thu May 31, 2018 11:41 pm Post subject: 21 Jan 2018 Tony promoted <Monster Hunt 2> in HK |
|
|
【留港過年】方便滑雪剪skin head 梁朝偉:好心急去北海道滑雪
梁朝偉今日喺灣仔為主演電影《捉妖記2》宣傳,現場唔少得戲中精靈笨笨同胡巴,曾經同梁朝偉一齊主持兒童節目嘅譚玉瑛姐姐就做司儀,譚玉瑛姐姐仲爭取時間同偉仔selfie。台下趙哲妤、郭思琳、莊思敏就一睹男神風采,隔空合照。偉仔在戲中演一位電眼賭徒,譚玉瑛叫偉仔教人發新年財,偉仔話:「過年自己都好似人哋家家戶戶咁玩吓麻雀同撲克,我年年都贏,我嘅理論係唔好玩太耐,輸贏都好幾分鐘就走,呢個係我秘訣。」
偉仔話好耐冇公開出席戶外宣傳活動,印像中對上一次係《無間道》宣傳先咁大型,今次好開心,希望多啲喺香港見大家,但平時又唔會無啦啦走出嚟。見偉仔剪咗一頭skin head,佢話:「因為容易打理,去滑雪、滑水都方便 ,有時滑雪食晏除低頂帽,個頭就扁哂,人哋叫影相, 我又唔好意思唔影,所以今年去滑雪前決定剃咗佢,乾淨俐落。」偉仔早前隻身去北海道滑雪,佢話:「嘉玲要下一次先可以去,今年我哋會喺香港過年,自己每年都去咗滑雪,媽咪又去唔到雪地,加上今年嘉玲要拍劇到二月,自己都好心急想再返去北海道滑雪,只係玩咗少少未玩夠。」偉仔同嘉玲情人節都會在港,不過冇特別準備禮物。
嘉玲同新人吳肇軒合作新戲《以青春的名義》,偉仔話未有時間捧場, 自己都想去睇下嘉玲監製做成點 ,嘉玲曾經話過覺得男主角吳肇軒似偉仔,偉仔笑稱似我冇用啦。今次《捉妖記2 》正正同嘉玲演《我的情敵女婿》賀歲片打對台,偉仔話應該係第一次,會互相捧場 。偉仔忙於為奧斯卡做評審欣賞電影,一有時間就會睇戲 ,嘉玲都係評審之一,但係肯定佢暫時未有時間睇 。
Source: https://hk.entertainment.appledaily.com/enews/realtime/article/20180121/57736529 |
|