Info
Joined: 27 Jan 2003 Posts: 2112 Location: Hong Kong
|
Posted: Tue Aug 26, 2014 8:20 pm Post subject: Aug 2014 Tony shopping in Central |
|
|
老婆黐同性密友 梁朝偉連日寡佬悶遊
[頭條網] 2014年8月23日
52歲的影帝梁朝偉,08年終和拍拖20年的女友劉嘉玲於不丹成婚,不過婚後兩夫婦仍然各有各玩,除頒獎典禮會一同拖手行紅地氈,平日連體出巡的機會近乎零。內向文靜的偉仔,造就喜歡social的嘉玲,身邊多了位富豪觀音兵同性密友鄧霓儀,近年鄧霓儀常在嘉玲身邊陪食陪玩,二人出鏡率一定多過梁氏夫婦。日前老婆與同性密友開心遊大澳,近日長休的偉仔就不時被影到孤獨遊街,本刊先後兩日下午發現穿同一件黑tee和牛仔褲的偉仔現身中環,買衫、買卡等,一支公悶遊。
梁朝偉自從拍完長達5年的《一代宗師》後冇再接戲,雖然有傳王家衛9月將開拍文藝愛情片《擺渡人》,男女主角屬意梁朝偉和全智賢,不過上月偉仔去捧太太嘉玲的舞台劇《杜老誌》時透露,未有睇過劇本兼有排休息。偉仔無工開,相反嘉玲就job接job。呢排嘉玲忙演出舞台劇,中間仲要去泰國同周潤發拍賀歲片《賭城風雲2》。不過48歲的嘉玲精力無窮,有時間都寧願撇甩老公和愛中性打扮的鄧霓儀結伴遊。被指在鄧霓儀介紹下認識藝術界人士,合資搞西九畫廊?嘉玲否認此事,只謂會收藏藝術品當投資。
買衫揀卡
日前下午,黑tee配牛仔褲優閒裝的偉仔現身太子大廈孤獨shopping。他拎住一袋意大利名牌Loro Piana去書店,Loro Piana的羊毛舉世聞名,其cashmere亦係名人至愛。偉仔購物後行去書店揀卡,只見佢揀了約十分鐘就買了一張有個圓圈簡約圖案的心意卡,太太嘉玲12月先牛一,該卡應是送畀親友的禮物。埋單時,偉仔發現記者,先禮貌笑一笑,然後從容擰轉背戴上黑超,離開時頓時星味十足。問他會否外遊?他微笑說:「唔會腬!(幾時開工?)未有耐。」講完就行去取Benz走人。
幫襯老友
日日在家打躉,健康生活的偉仔另一日又獨自出巡,下午兩時許他以同一套黑tee牛仔褲現身太子大廈名店Chrome Hearts,該皮革首飾店老闆是偉仔老友、葉童丈夫陳國熹,今年初Chrome Hearts北京店開幕,偉仔都有畀面出席。據悉偉仔當日上午已先去首飾店睇№,然後下午再折返取貨,只見黑超偉仔和店員有講有笑,偉仔間中忙玩手機,逗留十分鐘後就拎住一支白色長條形物品離開,行去對面大會堂取RANGE ROVER,拍八達通付款後仲爭取時間玩語音音短訊,似乎趕去下一場。 |
|