View previous topic :: View next topic |
Author |
Message |
Info
Joined: 27 Jan 2003 Posts: 2112 Location: Hong Kong
|
Posted: Mon Nov 18, 2013 3:43 am Post subject: 18 Nov 2013 Tony and Carina attended Chang Chen's Wedding |
|
|
張震今日於台灣舉行婚禮,不少圈中人已陸續現身出發。今午一點半,梁朝偉與劉嘉玲戴上黑超現身香港國際機場,嘉玲一襲豹紋外套型到震,兩人一臉輕鬆,準備出發去台灣參加張震婚禮。問佢哋送乜嘢結婚禮物?偉仔只表示:「係一pair家居禮物。」但就點都唔肯講呢pair係乜嘢,未知是否購自嘉玲最近新開嘅家品店呢?
問偉仔可會向一對新人傳授夫妻相處之道?偉仔就話:「每對夫婦都有自己相處之道,唔使教。」佢又話未見過新娘子莊雯如,得嘉玲見過,仲大讚女方溫柔體貼。嘉玲謂:「有一刻令張震知道要變,所以就結婚喇。」咁想唔想佢哋生仔?嘉玲就表示:「都想,祝佢哋心想事成。」至於會否做埋契爺契媽?佢笑笑口話:「太早喇,十劃未有一撇。」
Last edited by Info on Sat Nov 23, 2013 3:17 am; edited 3 times in total |
|
Back to top |
|
|
Info
Joined: 27 Jan 2003 Posts: 2112 Location: Hong Kong
|
Posted: Tue Nov 19, 2013 12:29 am Post subject: |
|
|
Video: http://ent.appledaily.com.tw/enews/article/entertainment/20131120/35449220/
More pics at
http://slide.ent.sina.com.cn/star/slide_4_704_69556.html#p=1
http://slide.ent.sina.com.cn/star/slide_4_704_69557.html#p=1
【張震結婚】偉仔嘉玲恩愛出席張震夫婦將花球送俾舒淇
[蘋果日報] 2013.11.18
台灣藝人張震同助手女友莊雯如日前註冊,今日一對新人喺台北光點電影院一、二樓舉行西式婚宴,仲喺戶外花園搭出舞台,現場配以白色沙發、布幔及花卉,場內更設置啤酒區,室內餐廳有自助美食區及紅白酒。
估計婚宴花費約為150萬元新台幣,而回禮畀賓客嘅手信亦富心思,有由日本攝影大師上田義彥操刀婚紗冊及cupcake蛋糕。
婚宴約晚上8時開始,舒淇﹑劉嘉玲及梁朝偉﹑楊祐寧﹑陳柏霖﹑張震嶽及王家衛夫婦等陸續到場,場面熱鬧。一對新人由司儀請上位於花園的舞台,張震感謝出席嘉賓及新娘父母讓女兒下嫁,0氹得新娘非常開心。
此時現場賓客起哄大叫「親嘴」,司儀打完場表示太多記者在場,親親會喺室內再補。
而原本準備下台嘅張震,被新娘子叫回來,原來佢打算一齊將花球送俾前緋聞女友舒淇,而舒淇上台接過花球跟新娘子擁抱。
偉仔激罕舉V字 王家衛啜啜老婆
台灣藝人張震同助手女友莊雯如今晚喺台北光點電影院一、二樓舉行西式婚宴,仲喺戶外花園搭出舞台,場內更設置啤酒區,室內餐廳有自助美食區及紅白酒。婚宴約於晚上8時開始,舒淇、劉嘉玲及梁朝偉、張震嶽及王家衛夫婦等陸續到場,場面熱鬧。一對新人於台上致辭時,於露台上嘅偉仔亦凝神細聽;見樓下有賓客想影佢,於是偉仔亦好合作咁,舉出V字手勢任影。
露台上,仲見到侯孝賢同王家衛兩大導演密斟咬耳仔,之後張震請來偉仔夫婦、侯孝賢、王家衛夫婦及李安等人來個大合照。未知是否受現場氣氛影響,王家衛竟然情深款款咁錫咗老婆一啖,如重溫初戀感覺。至於王家衛同李安,前者憑《一代宗師》殺入金馬,而李安又係本屆金馬評審,兩人惺惺相皆,即場密密斟。一眾賓客於晚上十點左右開始陸續離去。
舒淇收花球 面紅耳熱笑晒上車
張震同助理女友太太莊雯如嘅婚宴,於晚上十點左右完結,賓客亦陸續離開,見佢哋大多都是笑容滿面,一臉滿足,未見特別有醉意。率先離開嘅係王家衛夫婦,之後偉仔兩夫婦亦一步出,嘉玲面泛微紅,微有醉意,佢話:「今晚玩得好開心,同大家一班好朋友傾得好開心。」上車前先朋友攬攬,而偉仔則等埋上車之後才登車,盡顯風度。
及後到陳柏霖出嚟,佢話:「今晚好開心,很戥一對新人高興,祝他們白頭到老,幸福美滿。」及後李安離開時,亦似是飲咗少少酒,佢話同王家衛、舒淇頭先只係傾閒偈,未有談及金馬獎。問李安可知舒淇接到花球?李安話:「舒淇跟我說了,見她都好開心。」收到花球嘅舒淇走嗰陣亦明顯飲咗啲酒,笑笑口上車,心情甚佳,但未有受訪,至於白色花球則交由助手代勞拎埋上車。 |
|
Back to top |
|
|
|