Info
Joined: 27 Jan 2003 Posts: 2112 Location: Hong Kong
|
Posted: Mon Nov 18, 2013 3:15 am Post subject: 16 Nov 2013 Tony and Carina attended shop opening |
|
|
劉嘉玲擲千萬搞家品店 姬摩絲奉召撐場唔收錢
[東方日報] 2013.11.17
劉嘉玲與鄧永鏘爵士合資的家品店昨日開幕,人緣甚廣的鄧生特別邀得國際超模好友姬摩絲(Kate Moss)前來剪綵,且是不收分文零酬勞,他還坦言:「我係借佢個名!」
昨日鄧永鏘與劉嘉玲於灣仔合資的生活品牌「Tang Tang Tang Tang鄧鄧鄧鄧」正式開幕,與鄧生老友鬼鬼的國際超模Kate Moss「奉召」到場,一身斯文打扮的Kate雖未有接受訪問,但全程笑容滿面,在強勁音樂跳舞環節中更不時擺動身體,十分投入!
梁朝偉驚喜現身
鄧永鏘亦全家總動員撐場,包括母親、太太Lucy、前妻張淑儀、胞姐鄧霓嫦、胞妹鄧霓儀、女兒鄧愛嘉及兒子鄧裕鏗等。至於股東之一的劉嘉玲則有影帝老公梁朝偉「驚喜」現身支持。問到鄧永鏘邀得貴為超模的Kate Moss剪綵要多少酬勞?他不改幽默本色說:「唔使錢,我發誓真係冇,(作狀舉起手發誓,但只有兩隻手指)佢係特登嚟撐場,尋(前)晚嚟,今(昨)晚就走,我係借佢個名。」
鄧永鏘謂有感中國現時用太多西方的東西,希望能引入一些中國製的用品給中國人,又表示會在英國開分店,問到打算開多少間?他又搞笑說:「開到上市、上岸、夠還錢畀劉嘉玲!」嘉玲見狀即指他喝醉,請他回店內繼續喝酒。
與王菲齊買豪宅
至於嘉玲則自爆是Kate Moss粉絲,她說:「佢係我NO.1偶像,係style icon,佢求其着都好睇。」她表示與鄧永鏘互相欣賞,故動用了過千萬入股,問她預計何時回本?她笑說:「我信佢(鄧永鏘)個夢想!」原本表示梁朝偉不會出席,但最後還是現身,嘉玲甜絲絲指他要給大家一個驚喜。
對於好友王菲被指在港置業?她即說:「佢買咗好多,買嗰陣都未發生事(離婚),我都同佢一齊買咗深灣9號。」至於瓣數多多的嘉玲還有甚麼生意想做?她笑言要看將來會遇到甚麼人和事,一切還未有答案。
採訪:名人組
偉仔女友數唔哂
劉嘉玲日前在無綫節目《最佳女主角》中重提多年前被綁架事件,昨日她在活動中大方地說:「其實一路都有人提,我自己就唔介意講,我過咗,係大家過唔到。」她又澄清訪問中透露因拒拍電影《省港旗兵》而惹禍是錯的,她說:「唔係呢套!(你話當時諗過跳樓?)係呀,因為唔知用咩方法(處理),不如消失,嗰時仲細,考驗都幾大!」
而嘉玲於前晚播出的一集,就談及與偉仔初相識點滴,嘉玲大爆偉仔經常無暇陪女友,性格孤僻兼怪異,故對偉仔有一些不好的看法。問到她與偉仔相戀時,是否中間尚有曾華倩存在?她笑謂:「有好多嘢,要解釋都係因為工作,佢同華倩3次離合,中間有其他女仔,亦同黎美嫻有過幾長時間先分手,當時我同偉仔都未拍拖,緣分嚟都無法阻止,我都唔想。」
嘉玲亦自爆潔癖秘密,指曾到橫店拍戲,把酒店洗手間內的浴缸、洗手盆及馬桶統統換新。 |
|