Info
Joined: 27 Jan 2003 Posts: 2112 Location: Hong Kong
|
Posted: Wed Apr 10, 2013 7:24 pm Post subject: 8 Apr 2013 Tony shopping in Central |
|
|
8年無攞獎 朝偉BB秘掃戰衣等封帝
[頭條網] 2013年4月10日
曾在金像獎留下不少腳毛的朝偉BB,以前攞影帝似食菜,但原來他經已8年無攞過獎,咁啱今年憑電影《聽風者》入圍,仲叫做大熱之一,所以為了本周六(13日)舉行的「金像獎」,平時絕少行街街買靚衫的他,本周一(8日)罕有現身中環揀戰衣。只見朝偉BB轉場又轉場務求買到心頭好,選購時又特別仔細,最後掃了套護膚品和4千幾蚊的絲質恤衫。他咁用心扮靚,當晚必能以最佳狀態示人,話唔定攞埋個影帝返屋企!採訪:張詠森
今年影帝大熱有指是「雙輝」之爭,即梁家輝和張家輝,但早前問到有份角逐的劉青雲時,他又表示最有機會是姓梁和叫家輝的人,即有埋梁朝偉份。儘管未知影帝誰屬,但一向專業的朝偉BB,今年決定親自出手揀戰衣。日前他一支公現身中環的ifc商場,先買了套瑞士名牌護膚品la prairie,原來靚佬一樣咁貪靚。
由於是微服出巡,當日朝偉BB包到冚,戴完口罩再戴cap帽,只露出一雙電眼,加上他經常低頭,又沒有帶助手,所以既無fans認得他,買完嘢又要自己做阿四,但他沒所謂,反而行得悠然自得。當日他買完套護膚品,又急急腳行去新世界大廈的Joyce,以為那裏款式多選擇亦多,最終依然不合他水心,行了20分鐘就要掉頭走,之後便轉到置地廣場的Noel Barrett再揀過。
這個品牌近年冒起,可謂潮爆男裝界,啱晒有型有款的朝偉BB,所以他入到店內,只行了一圈,已對西裝和恤衫感興趣。可惜揀了半個鐘,他只對件白色絲質恤衫情有獨鍾。他嘗試從店內播出的Fashion show片段中挑選,售貨員又以iPad向他展示其他款式,但他都不為所動。最後他快速試完件恤衫,便畀了4千多元走人,可能見離「金像獎」還有幾日時間,仲有時間再搵套戰衣出擊啦! |
|