14 Mar 2014 Tony and Carina attended promotion event

[Info]

偉仔戴cute cute熊帽滑雪：我自己買嘅

[蘋果日報] 2014.03.14

劉嘉玲同鄧永鏘合資開設嘅時尚用品店，今日喺灣仔舉行推廣活動，除兩位老闆親身到場外，嘉玲老公梁朝偉亦現身撐老婆。之前偉仔被爆去咗北海道滑雪，老婆大人雖然未有同行，但偉仔嘅身手同佢頂可愛熊仔帽依然搶鏡。偉仔話前後去咗兩次，依家仲放緊假，放到幾時唔知。記者大讚佢技術達專業水準，偉仔謙稱:「放假啫。」咁頂熊仔帽呢？偉仔話係佢自己買，覺得好得意喎。

之前本報披露偉仔同張家輝有合作計劃，偉仔就話:「之前傾過，有過計劃，十劃未有一撇，而且家輝仲拍緊戲。一切都係好初步，要有完整劇本才決定。」佢又話:「拍戲睇緣份，鍾意先至拍。拍戲真係好辛苦，後生嗰陣已經覺得辛苦，所以一定要好鍾意先至捱到。」

家陣偉仔既然仲放緊假，問佢有咩世藝啦？佢就話咩都想做下，想過番啲有規律嘅生活，而且練下把聲:「因為我覺得控制把聲唔係咁好。」又想學吓啲形體動作，如功夫同跳舞，幫助做戲。咁會唔會嗌埋嘉玲一齊學？偉仔笑道:「呢啲嘢冇得叫埋，要自發。」

金像獎就快舉行喇，偉仔憑《一代宗師》成大熱，之前電影評論學會男主角獎亦由佢捧走，信心大增。偉仔話:「入圍都有機會，我覺得個獎唔係屬於自己，係屬於團隊，係大家嘅努力。當然都希望得獎，呢五年大家都經歷咗好多。」問佢睇好邊個？偉仔話:「個個都係我嘅對手。」提到勁敵張家輝，偉仔表示:「咁唔同嘅頒獎禮，評審都有唔同心水。」

唔贊成鋒菲復合？
嘉玲爆王菲：佢好享受依家嘅生活

頭先偉仔梁朝偉就話冇得迫嘉玲跟佢上堂學形體動作，查實嘉玲為舖頭都好忙，故就連滑雪都未能陪偉仔一齊去，趙薇同好友王菲喺法國睇騷，嘉玲都冇時間去。問佢知唔知有傳趙薇想做「雞仔媒人」拉番埋王菲同霆鋒？嘉玲話:「我冇睇，我冇同佢哋聯絡。」咁撮合二人復合係咪好事呢？佢就話喇:「我唔識講，呢個世界咩事都可發生，飛機都可以突然之間唔見咗，一日未死都有新聞聽。」

咁其實離婚後王菲依家心情如何呢？有冇想識番個「新朋友」？嘉玲代答謂:「一個人幾好0架，佢依家好享受呢段時間嘅生活，開心咪得囉。兩個人有兩個人嘅開心同唔開心。」

之前本報披露指電影公司老闆王海峰擬打本邀嘉玲執導拍新片《泡沫之夏》，金秀賢做主角。嘉玲坦言有此意向，但未準備:「王生有俾故仔，不過未決定，而且我未必想拍愛情片，我想拍啲暴力、色情或者公路電影，總之一切都係好初步，最好做監製先，因為做導演要好專業。」

講番今日係白色情人節，問問兩口子點慶祝？嘉玲:「依家慶祝緊啦，我哋一向都唔過白色情人節。」咁情人節係咪已經冇再慶祝呢？嘉玲笑道:「冇啦，我哋依家咁大個人，同埋咁多年，開心嘅話日日都係情人節。世事無常，越來越要珍惜身邊嘅朋友及家人。」

對於大劉涉賄賂之官司，今日判決。嘉玲與之亦屬好友，佢話:「我唔知喎。」記究呢啲我更加唔識，政治、司法嘅嘢我唔係好叻，要睇清楚啲，了解清楚啲先有comment。」

=========
梁朝偉學跳舞唔使劉嘉玲陪
享受假期接觸新事物 復工無期

文章日期：2014年3月15日

【明報專訊】正在休假的梁朝偉最近到外地滑雪，他坦言多年來不停拍戲，是時候休息一下吸收新事物，過一些有規律的生活，他還自爆想學跳舞及功夫，但毋須太太劉嘉玲陪伴。

劉嘉玲與梁朝偉昨晚出席時尚生活品牌「Tang Tang Tang Tang鄧鄧鄧鄧」活動，正在休假中的偉仔早前去外地滑雪，身形比前清減，精神卻不錯，他還風騷地回應記者問題。偉仔透露已出門滑雪兩次，放假玩得好開心，未定復工日期。偉仔自稱未有feel開工：「我很喜歡這項運動，不是要參賽，稍後去東南亞滑雪，因為怕坐長途機。」有傳導演林超賢欲拉攏他與張家輝合作年底開戲，偉仔承認曾初步傾談，但目前「十劃未有一撇」，待有完整故事劇本才考慮。

未有feel開工

多年來不停演戲的偉仔認為演員工作一段時間，便要休息吸收新事物，為觀眾帶來不一樣的新鮮感，加上目前未遇到非常喜歡的劇本，也自感年紀大，拍戲多年很辛苦，故寧願繼續休息。偉仔自爆假期計劃多多：「我想過有規律的生活，又想學練聲、形體動作控制、跳舞、功夫。學習要自發性，不會叫劉嘉玲陪伴。」

盼憑《一代宗師》奪金像影帝

偉仔憑《一代宗師》角逐金像獎最佳男主角，他認為獲提名就有機會得獎，但謙稱獎項不屬於他個人功勞，而是整個團隊的努力，畢竟該片拍足5年，經歷辛苦過程，他也渴望得獎以示對團隊鼓勵。有指張家輝是他的最大對手，偉仔說：「不同頒獎禮的評審，看法也不同。」重提他早前為柏林影展當評審，他表示過程疲累，但非常愉快及獲益良多。

嘉玲稱王菲享受單身生活

自稱懂得跳舞的嘉玲，未必夫唱婦隨跟丈夫學跳舞，她靠每日跑步和做瑜伽keep fit。提到趙薇拉攏好友王菲與謝霆鋒在法國見面，嘉玲似有弦外之音：「我沒看報道，亦不懂講什麼好。這世界什麼事也能發生，飛機可以失蹤多日，一日不死都有新聞看！王菲一個人過得幾好，她好享受現時生活，人開心就得，有時兩個人一起可以開心亦可以不開心。」

問她是否有意為王海峰的電影公司新片《夏之泡沫》當導演？嘉玲表示未必一定拍愛情片，可能拍公路電影，或者色情暴力也未定；她的理想是當監製，因為導演需要更多專業。

記者：柯美