View previous topic :: View next topic |
Author |
Message |
Info
Joined: 27 Jan 2003 Posts: 1691 Location: Hong Kong
|
Posted: Tue Jul 24, 2012 2:21 am Post subject: 24 Jul 2012 Tony promoted <The Silent War> in HK |
|
|
偉仔拍戲愛歎慢板
梁朝偉早前接受有線節目《電影蒙太奇》訪問,跟導演王家衛合作無間的他坦言,拍戲同樣喜歡歎慢板,若拍得太快反而會「唔夠喉」。本報記者 梁朝偉早前聯同導演麥兆輝與莊文強亮相有線節目《電影蒙太奇》,宣傳合演新片《聽風者》。偉仔於戲中飾演聽覺敏銳的盲人,麥兆輝笑言:「原本想讓偉仔戴有色隱形眼鏡扮盲人,誰知他從沒戴過隱形眼鏡,為免他有損傷,最後我們決定用墨鏡代替。」
當主持人黃芳雯問偉仔本身檔期緊密,會否想盡快完成拍攝?偉仔卻笑言:「不會,我反而鍾意慢慢歎,我很享受拍戲過程,拍得太快會『唔夠喉』!」兩位導演聞言即說:「我們已經唔算拍得快,再慢就追不上進度。」
[頭條網] 2012年8月1日
==============
電戲道:麥兆輝、莊文強引偉仔搲撈
《無間道》、《竊聽風雲》系列,牽涉的是高科技,內裏葫蘆都是勾心鬥角的人性黑暗面。今趟梁朝偉拍麥兆輝、莊文強,重用摩斯密碼於合拍片《聽風者》上,既有陰謀、反間,又有偷聽、諜戰,集《無間道》及《竊聽》於一身,表面如此,其實一切科技都是幌子,骨幹是周旋於片中四位主角之間的愛情。現實中麥、莊兩位導演經常出口術,引到梁朝偉這個影帝「搲撈」,更甘於扮盲收埋電眼,招數比偉仔的詠春更有宗師味道。 撰文:文國駿
導演麥兆輝及莊文強早前為共同執導的新片《聽風者》於中環接受專訪,《聽》片是改編自內地小說家麥家的小說《暗算》,對於麥家陌生,但講起他另一本小說《風聲》,相信對他的作品會有概念。當中原著情節涉及的偷聽、諜報情節極合麥、莊二人的口味,自然成為開拍的題材。正好《無間道》經歷十年,令《聽》片更具意義。
幾乎重寫故事
至於改編故事跟自行創作,兩位導演表示基本上運作一樣,麥兆輝笑言:「事實上冇乜難度,因為電影跟原著唔係好同,我哋都改左7、8成,差唔多係重新創作,當然有同麥家講過,得佢同意,起初佢都嚇一嚇,不過睇咗劇本之後都好滿意,因為有好多情節需要顧及電影感同節奏,麥家講笑話可以用電影劇本寫番一個長篇小說。」
莊文強認為創作人不應拘泥改編還是原創,只要拍的是好故事就可以。不過內地電影業日益蓬勃,隨之而來的問題對拍攝帶來影響,他們覺得電影人要面對及解決的問題越來越多,莊文強表示:「喺內地拍嘢成日都俾人話阻街,所以一係好早拍,一係就好夜先拍,同埋上面拍戲成本都越嚟越貴,如果想拍一套小品電影,冇4,000萬都拍唔到。」成本高漲但大部份支出都用在演員身上,令到製作費及演員片酬不成正比,往往要壓縮製作來遷就,影響質素,麥、莊覺得這是目前要正視的問題,否則華語片要跨出海外會有很大難度。
自認怪雞導演
今趟再拍梁朝偉,重彈《無間道》的摩斯密碼舊調,多少有一點捉狹味道,其實玩的又豈止於此,更搞鬼的是要梁朝偉演失明人士,經常帶墨鏡拍攝,不可以用眼神做戲才是好戲。不過翻看歷史被搞鬼的巨星又不只偉仔一人,莊文強笑言:「我哋係咁怪雞昵,之前都試過將黎明喺《情義我心知》變低能,又要古天樂做阿伯, work!我哋好少搵演員做擅長嘅嘢,因為睇得多會好悶,創作係需要有新意。」
麥、莊笑偉仔在拍攝期間曾因為太忘我投入視障的角色,有次差點弄假成真,莊文強說:「有一場戲係喺竹林度拍嘅,有好多樹,周迅行前佢行後,點知見到偉仔一路行去樹枝尖都唔停,好彩周迅醒目,幫佢一手撥開。事後偉仔話唔知乜事,佢嗰刻好似真係盲咗咁,冇留意到有危險。」
對於近10年第四度與偉仔合作,麥兆輝坦言:「我哋好多電影都想搵偉仔演,因為我哋本身好好朋友,除咗工作外都會見面食飯,嚟緊拍乜戲都會話畀佢聽,不斷用故事引佢。」對於今次成功引得偉仔入局,莊文強謂很大原因是基於上一次合作未能成事:「其實嗰陣偉仔都睇過《竊聽》第一集嘅劇本,角色就唔講喇,不過因為時間夾唔到,佢仲拍緊《一代宗師》,點知部戲出咗嚟之後佢睇咗,仲即刻問我哋《竊聽2》點,會唔會搵佢,不過佢應該都係講笑,引番我哋。」
常被偉仔怪責
莊文強又表示偉仔不只一次「責怪」他們沒有找自己演出:「佢睇完《飛沙風中轉》又叫出嚟食飯,又問我點解拍呢部戲都唔搵佢,又話自己最鍾意演呢類戲,都唔知佢講真講假。」獲得影帝級的偉仔屢次「搲撈」,絕對是對二人的一種肯定及認同。至於正在籌備的《竊聽3》會否拖好友下水,他們異口同聲說:「諗下先啦!不過其實偉仔都好忙,哈哈!」
另外,麥兆輝於上年曾傳出腦部患有腫瘤消息,雖然他事後澄清只是內分泌失調,他說:「係呀,其實已經好番哂,之前都有唞咗一段時間,嚟緊今年同下年都會拍番多啲戲。」
[蘋果日報] 2012年7月29日
Source: http://hk.apple.nextmedia.com/entertainment/art/20120729/16556095
Last edited by Info on Wed Aug 01, 2012 3:13 am; edited 4 times in total |
|
Back to top |
|
|
Info
Joined: 27 Jan 2003 Posts: 1691 Location: Hong Kong
|
Posted: Tue Jul 24, 2012 6:30 pm Post subject: |
|
|
|
|
Back to top |
|
|
|