Info
Joined: 27 Jan 2003 Posts: 1691 Location: Hong Kong
|
Posted: Thu Jan 17, 2008 2:12 pm Post subject: 16-17 Jan 2008 Tony shopping with Carina in Central |
|
|
管接送 買5萬餐具 劉嘉玲洗底變賢妻
劉嘉玲同梁朝偉拍拖18年經歷不少風雨,其間離合不斷,皆因42歲的女方仍然未定性,愛玩爛蒲,緋聞更是長傳長有,去年初更高調地與台灣首富郭台銘公開拖手以情侶姿態出現,當正印偉仔透明。最後,嘉玲戲劇性「棄台保偉」,與偉仔細屋搬大屋,進駐以7千多萬購入的山頂和福道4千8百呎獨立屋,更公開說有計劃與梁朝偉生兒育女,並會學烹飪,全力做偉仔背後的女人。估唔到嘉玲講得出又做得到,上星期二至四,記者一連三日發現嘉玲到中環為新居費神揀貴價銀餐具,又體貼地親接男友番歸,用心良苦的嘉玲努力洗底變賢妻,唔知偉仔幾時肯娶女友過門呢? 採訪:張詠森、黃燕玲
去年初劉嘉玲高調地飛撲台灣首富郭台銘懷抱,哄動中港台,男方還高調公開承認「只對劉嘉玲認真」,撬到出口的他爭在未開口問梁朝偉攞人。一直啞忍的偉仔選擇消極逃避,而向來與嘉玲關係疏離的偉媽,還挺身代子出頭,在記者面前狠插嘉玲,當大家也以為兩人的18年感情壽終正寢時,估不到嘉玲最後選擇重投偉仔懷抱。而深愛嘉玲的偉仔,最終亦選擇原諒女方。
08年頭嘉玲自言隨住思想成熟,開始學習喜歡BB,更會認真考慮生育問題!「其實已經開始諗,不過我唔會未婚懷孕,會結咗婚先。」 嘉玲開口生仔埋口結婚,不過,要重拾偉仔對自己的信心,真係再要加多幾錢肉緊。
情侶裝親接送
上星期二晚上6時,一臉素顏,戴着黑色鑲珠片冷帽,穿上灰色有帽衞衣及法國名牌黑色Moncler羽絨背心的嘉玲,與助手在四季酒店吃完晚飯後登上保母車離開,近日頻說心情好的嘉玲就算冇化妝冇帶太陽眼鏡都依然明艷照人。
其後她到男友好友吳廷燁家接回偉仔,當偉仔準備登車時,記者發現偉仔的裝束竟然跟嘉玲一樣,同是灰色有帽衞衣與黑色Moncler羽絨背心,兩個加埋差唔多100歲的情侶,估唔到依然咁浪漫。
5萬餐具偉仔
做完廿四孝女友後翌日,嘉玲又再出動,當日孭着價值$21,000,Chanel Expandable Quilted Flap Bag的她戴着墨鏡與助手先到太子大廈的「寶屋」買酒杯,雖然酒杯冇乜特別款式,但嘉玲都揀得極仔細,最後買了12隻酒杯約$2,000,由於重量唔輕,所以嘉玲選擇由店方送貨。之後,她又到書店睇書,並對當中有關家居設計的書籍特別有興趣。最後,嘉玲再到法國貴族銀器店Christofle購餐具,只見她將心頭好統統放在枱面,由最平$5,000的銀水壼、過萬的銀托盤到一套2萬幾的銀餐具都包括在內,用咁高貴的餐具跟偉仔撐枱腳自然別有一番風味。置完新餐具,嘉玲便到文華酒店飲下午茶。
富貴嘉玲畀蚊咬
最後一日,同樣素顏的嘉玲拎住30萬Hermes 30cm黑色鱷魚皮Birkin Bag再到文華飲下午茶,記者發現左手戴着平安紅繩右手無名指戴鑽戒的她,心口紅了一大片,明顯被蚊咬所致,看來山頂新居要加強防蚊措施,否則,周身紅印日後點着性感婚紗結婚呢!
另 外 , 偉 仔 偷 得 浮 生 半 日 閒 , 昨 午 四 時 許 做 「 跟 得 男 友 」 , 陪 同 嘉 玲 往 中 環 逛 街 , 不 過 未 幾 他 卻 先 行 駕 車 離 去 , 剩 下 嘉 玲 與 助 手 往 high tea 。 當 記 者 趨 前 欲 訪 問 嘉 玲 時 , 其 助 手 即 出 面 擋 駕 。 |
|